Jóhanna dregur 20 með sér

Persónufylgi Jóhönnu er mikið og gæti dugað Samfylkingu vel. Ef að kjósendur hinsvegar átta sig á því að með Jóhönnu fylgir fullt af fólki sem að þeir kæra sig hreint ekki um á þingi. Við eigum eftir að sjá það í kosningabaráttunni að Jóhönnu verður teflt fram á meðan aðrir frambjóðendur munu hafa hljótt um sig. Skynsamlegt í stöðu Samfylkingar sem að stólar á að með brotthvarfi ISG muni enginn muna eftir Ráðleysisstjórninni. Held samt að Jóhanna muni eiga erfitt í kappræðum við hina formennina þegar kemur að efnahagsmálum. Þetta mun síðan allt koma í ljós.

Samfylking og VG með samtals 55,8% - 38 þingmenn

Ætli blysförin hafi gert útslagið??

Baugur productions kynnir í samstarfi við Icelandic Glacial.

Hryllingsmyndin sem allir hafa beðið eftir

 

The Economic Terminator II

-The reluctant leader-

 

Leikarar: Jóhanna Sigurðardóttir, Össur Skarphéðinsson, Árni Páll Árnason og Björgvin G. Sigurðsson.

Leikstjóri: Skúli Helgason

Framleiðandi: Jón Ásgeir Jóhannesson

Meðframleiðandi: Jón Ólafsson

 

Hér fylgir með leikdómur Davíðs Oddsonar kvikmyndagagnrýnanda AMX.

"Söguþráðurinn er einfaldur og plottið gott. Eftir að öll þjóðin hefur legið á bæn svo að vikum skiptir snýr Jóhanna aftur enn á ný til þess að ljúka sínu verki við að koma atvinnulífinu og heimilunum til bjargar með því að gera ekki neitt. Jóhanna og meðleikendur vinna stórkostlegan leiksigur enda handritið alger snilld."

  Fimm stjörnu mynd enginn vafi.

Jóhanna svarar kalli

Glæsilegur árangur hjá Huld og Sigmundur sterkur

Ég er afar ánægður með að sjá Huld ná þriðja sætinu. Þar fer skörungur mikill og hún á eftir að gera það gott og tryggja flokknum vonandi góða kosningu í NA. Ekki var síður ánægjulegt að sjá Sigmund Davíð reykja og steikja Árna Pál í silfrinu í dag. Árni leit út eins og óöruggur smástrákur sem vissi ekki hvort hann var að koma eða fara. Ég ætla að vona að það verði eins margar pallborðsumræður fyrir þessar kosningar eins og mögulegt er því að enginn af hinum foringjunum hefur roð í hann. Einnig var ánægjulegt að sjá að Egill er hættur með Samfylkingar hallelúja viðkvæðið sitt og lét Árna heyra það þegar hann gólaði enn einu sinni að ESB væri bjarghringurinn.

Almenningur mun sjá að Sigmundur og Framsóknarflokkurinn eru með hugmyndir og lausnir og Sigmundur getur kynnt þær á þann hátt að fólk skilur. Á meðan kemur ekkert frá hinum flokkunum annað en tafs fyrir utan það að boðið verður upp á sömu súpuna og síðast því endurnýjunin er nánast enginn og gömlu flokksgæðingarnir munu enn á ný raða sér á jötuna. Þegar fólk fer að átta sig á því að það er ekki nóg að kjósa Samfylkinguna af því að Jóhanna er góð kona þá er voðinn vís fyrir Samfylkinguna og VG og D þurfa að sýna fram á einhverjar hugmyndir ef að þau eiga að ná framgangi.

Allt skynsamt fólk hefur í dag aðeins eitt val XB því að hinir flokkarnir eru eins gjaldþrota og bankarnir.

Birkir Jón sigurvegari

Hraunið bíður JÁJ

JÁJ og félagar eiga auðvitað hvergi heima annarsstaðar en á hrauninu og geta dundað sér við að framleiða númerplötur næstu 10 árin eða svo. Annars er JÁJ sérfræðingur í skipulögðum rógsherferðum og hefur beitt þeim óspart gegn andstæðingum sínum og Samfylkingarinnar/ISG. Hver kannast ekki við  Baugsmálið sjálft, fjölmiðlafrumvarpið ofl. Gera þarf JÁJ og hans fyrirtæki upp hið fyrsta til þess að við getum verið laus við hans áróðursmaskínur. Fyrr verður ekki eðlileg fjölmiðlaumræða á landinu.

„Skipulögð rógsherferð“ gegn fyrirtækjum

Framboð meira en eftirspurn

Það virðist vera að Ingibjörg hafi áttað sig á því að framboð á henni var meira en eftirspurn og það meira að segja í eigin flokki. Fyrir andstæðinga Samfylkingarinnar er þetta tvíbent. Ingibjörg hefði orðið úrvalsskotmark í kosningabaráttu þar sem að allur hennar tími hefði farið í að verja sínar aðgerðir í bankahruninu. Hinsvegar er óljóst hvað kemur út úr formannsslagnum og hreinlega hvort að einhver samfylking verður til eftir fáeinar vikur. Ingibjörg hefur haldið þessum sundurlausa hópi saman með heraga að hætti Davíðs Oddssonar og enginn virðist nægilega sterkur til að takast þetta verkefni á hendur. Jóhanna er trúlega ekki nægilega sterk til að halda saman flokknum þannig að ef ekki finnst nýr leiðtogi sem hóparnir geta sameinast um er voðinn vís.

Ingibjörg Sólrún hættir

Ekkert nýtt við þetta

Þetta er sama aðgerð og Frjálsi Fjárfestingarbankinn framkvæmdi í nóvember. Greiðslubyrðin fest við upphaflega tölu og því sem umfram var af afborguninni skellt afturfyrir. Skárra en margt annað sem er í boði en ekkert nýtt.

Ný lausn erlendra lána

Leikfléttan spilast áfram

Þarf varla að kommenta á þessa frétt með öðru en að benda á síðustu færslu. Forhannaða atburðarrásin er farin af stað og vei þeim sem í vegi stendur. Höskuldur Þór hefur fengið að kenna á því.

Dagur í varaformanninn

Ingibjörg fer fram í skjóli Jóhönnu

Ingibjörg og Skúli Helga eru búin að "hanna" eftirfarandi atburðarrás.

1. Jóhanna leiðir Samfylkinguna í kosningunum og mynduð verður 2-3 flokka vinstri stjórn undir forystu hennar. Dagur B. Eggertsson verður gerður að ráðherra.

2. Eftir rúmt ár dregur Jóhanna sig í hlé og Ingibjörg kemst þangað sem að hana hefur alltaf langað í forsætisráherrastólinn.

3. Ingibjörg segir af sér formennsku Samfylkingarinnar ca. árið 2012 og Dagur B. Eggertsson sest í hennar sæti.

Það verður að segjast eins og er að öll maskínan er mjög samhæfð í þessum aðgerðum þeas. Fréttablaðið, Stöð 2 og bloggarar Samfylkingarinnar. Miðstýringin er farin að minna á alræðisflokka 20 aldarinnar því svo smurt eiga hlutirnir að ganga á þessum bænum.

Síðan er bara spurningin hversu leiðitamir sauðirnir í hjörðinni verða.

Ingibjörg býður sig fram

Flokksmiðillinn farinn að undirbúa jarðveginn fyrir Jóhönnu

Ef að kíkt er á á visi.is þá eru þar amk tvær fréttir um að Jóhanna njóti yfirburða trausts. Af þessu er greinilegt að reyna á að gera skiptin eins sársaukalaus og hægt er. Krónprinsinn Dagur B. Eggertsson mun greinilega þurfa að bíða síns tíma (eins og Jóhanna). Samfylkingin sér greinilega aðeins eina leið til að koma þokkalega út úr kosningunum það er að láta Jóhönnu vera í fararbroddi og láta helst líta út fyrir að hún sé eina manneskjan í framboði. Það er alveg ljóst að Ingibjörg myndi þurfa að svara endalausum spurningum um hversvegna hún og Geir brugðust ekki við þegar viðvaranir bárust og miðað við frammistöðu hennar í gær þá eru svörin ekki til þess fallin að draga að kjósendur. Það á því að nýta persónufylgi Jóhönnu því að það er það eina sem getur bjargað Samfylkingunni.

Leiðtogaefni á færibandi

20% niðurfelling er raunhæf

Hugmyndir Framsóknar um 20% niðurfellingu íbúðalána eru ekki eins fjarstæðukenndar og margir halda. Hver málsmetandi maðurinn af öðrum viðurkennir þessa staðreynd og óskandi væri að ríkisstjórnin geri það líka. Vilhjálmur Þorsteinsson skýrir þetta vel á sínu bloggi sem ég hlekkja á hér að neðan.

http://www.vthorsteinsson.blog.is/blog/vthorsteinsson/entry/813094/

Hugmyndin snýst um að ÍLS taki lánin úr gömlu bönkunum yfir og borgi fyrir þau 50-60% af nafnverði. ÍLS rukki síðan skuldarana um 80% af nafnverði. Mismuninn sem að ÍLS tekur til sín notar hann til að færa eigin lán niður í 80% af nafnverði. Ergo ÍLS kemur út nánast á sléttu. 

Nokkrir óvissuþættir eru í þessu:

Afskriftahlutfall kröfuhafa gömlu bankanna og hversu margir skuldarar munu ráða við 80% af kröfunni.