MR sigrar í gríðarspennandi keppni

Eftir spennandi viðureign fór MR með sigur af hólmi eftir bráðabana. MR-ingar byrjuðu af miklum krafti að venju og höfðu forystu eftir hraðaspurningar 20-16. MK menn komu grimmir í vísbendingaspurningunum og náðu að jafna og tóku síðan fljótlega forystu í bjölluspurningunum. Þegar bjölluspurningum var lokið höfðu MK 4 stiga forystu sem MR síðan vann upp á dramatískan hátt í vísbendingu og þríþraut og tryggðu sér bráðabana sem þeir síðan unnu 2-0.

            MR-ingar nýttu sér vel sínar sterku hliðar sem eru hraðaspurningarnar. Hinsvegar var eins og það vantaði "killer instinctið" þegar í bjölluna og vísbendingaspurningarnar kom og MK-ingar uxu að sjálfstrausti með hverju réttu svari. Það var því mikið átak sem þurfti til að rífa sig upp og ná að koma til baka en það kom síðan ekki á óvart þegar MR vann bráðabanann því liðið sem var yfir er venjulega enn að svekkja sig á að hafa ekki unnið og er því oft ekki með nægilega einbeitingu til að klára dæmið á meðan þeir sem jöfnuðu eru miklu stuði.

 

Annars var þetta glæsilegt hjá drengjunum og ég óska þeim hjartanlega til hamingju með sigurinn. Einnig vil ég óska MK-ingum til hamingju með góða keppni því þeir komu mér sannarlega á óvart.

 

Einu sinni MR-ingur ávalt MR-ingur  

MR-ingar höfðu betur í Gettu betur

Ágætu Hafnfirðingar

Á morgun gangið þið að kjörborðinu til að greiða atkvæði um deiliskipulagstillögu sem varðar stækkun Álversins í Straumsvík. Fyrir 46 árum síðan opnuðu erlendir aðilar augun fyrir því að á Íslandi væri hægt að fá raforku til að nota til að rafgreina ál úr súráli. Fjölmargir aðilar komu að máli við íslensk stjórnvöld um að fá að byggja hér álver en margir hverjir voru þeir gerðir afturreka því að þeir voru ekki tilbúnir að greiða nægilega hátt orkuverð til þess að hægt væri að byggja og reka Búrfellsvirkjun með hagnaði. Að lokum fór þó svo að Alusuisse byggði hér álver í Straumsvík við Hafnarfjörð en Hafnarfjörður var síður en svo eini staðurinn sem var inni í myndinni. Geldinganes og Gáseyrar við Eyjafjörð voru staðsetningar sem komu fullt eins vel til greina á sínum tíma.

Hafnfirðingar urðu þeirra gæfu aðnjótandi að álverið var byggt í Straumsvík á tímapunkti þegar atvinnulíf á Íslandi var í lamasessi eftir síldarbrestinn og mikil atvinna skapaðist bæði við byggingu og seinna við rekstur álversins. Ég þekki persónulega allnokkra starfsmenn sem bæði unnu við bygginguna og hófu síðan störf við álverið og að þeirra sögn var tilkoma þess alger bylting í atvinnumálum í Hafnarfirði.

            Síðan þá eru liðin mörg ár en alltaf hefur Ísal verið einn af hornsteinum atvinnulífsins í Hafnarfirði og fyrir utan þau störf sem voru innan fyrirtækisins sótti Ísal, og gerir enn ,mikla þjónustu til fyrirtækja í Hafnarfirði. Flestir starfsmenn sem hefja störf í Straumsvík ílengjast þar og þó að flestir þeirra sem hafa verið með frá byrjun séu komnir á eftirlaun finnast þeir enn þeir menn sem hafa unnið í Straumsvík í 36 ár. Þessi hái starfsaldur og lág starfsmannavelta hljóta að teljast meðmæli með vinnustaðnum enda eru störfin í Straumsvík vinsæl og eru til dæmis sumarstörfin sérstaklega umsetin af ungum námsmönnum sem margir koma ár eftir ár. Sjálfur komst ég í kynni við álverið á þennan hátt sem sumarstarfsmaður.

            Álverið stendur í dag á tímamótum. Grunnframleiðslueiningar álversins, rafgreiningarkerin, eru að verða um 40 ára gömul og við þekkjum þetta öll sem eigum gamlan bíl að með aldrinum eykst viðhald, vélin missir afl og orkunýtingin versnar. Þrátt fyrir góðan rekstur á undanförnum árum þar sem hið frábæra starfsfólk á stærstann þátt í velgengninni er þegar farið að sjá fyrir endan á veru álversins í Straumsvík. Það sem ræður lífi og dauða hvers álvers er framleiðslukostnaður á hvert tonn af áli. Eins og staðan er í dag þá er þetta ekki vandamál því heimsmarkaðsverð á áli er hátt og jafnvel óhagkvæmar verksmiðjur geta treint lífið áfram í slíkum markaðsaðstæðum. Ef spár sérfræðinga ganga hinsvegar eftir mun álverð lækka á ný og ná etv. niður í 1500 dollara á tonn sem myndi þýða að tekjur álversins umfram útgjöld yrðu litlar á meðan önnur álver með nýlegri búnað gætu enn skilað nokkrum hagnaði. Það er þessi aðstaða sem stækkunin á að ráða bót á. Fyrir utan sjálfa stærðarhagkvæmnina er verið að tala um kertækni frá 21 öldinni sem gerir það að verkum að hægt er að framleiða hvert tonn á mun ódýrari hátt. Þetta er það sem álverið þarf til að tryggja áframhaldandi starfsemi og án stækkunar er klárt að álverið verður ekki rekið til frambúðar.

            Engin framkvæmd er án fórna og svo er því farið með stækkun álversins eins og aðrar. Stækkunin krefst landrýmis, rafmagns og raflína auk bygginga. Allt hefur þetta sín umhverfisáhrif en hafa ber í huga að varðandi virkjanirnar er það klárt að þessar þrjár virkjanir sem fyrirhugað er að byggja verða byggðar hvernig sem fer í þessum kosningum. Þær eru hreinlega of hagkvæmar til að sleppa því og það hefur jafnvel Steingrímur J viðurkennt. Raflínur verða lagðar samsíða eldri línum og eldri línum jafnvel skipt út í þeirra stað. Aðkoman að álverinu verður niðurgrafin og raflínurnar því ekki sjónmengun á því svæði. Byggingasvæðið er við hlið núverandi kerskála og eykur einungis takmarkað á sjónmengun af álverinu auk þess sem að Reykjanesbrautin flyst lengra frá álverinu.

            Mengun frá álverinu eykst við stækkun þess eins og búast mátti við. Hinsvegar er vert að benda á að mengun á framleitt tonn minnkar verulega með bættri tækni og að mengunin verður helmingi minni hvað varðar flúor en hún var árið 1990 en þá framleiddi álverið 100.000 tonn af áli.

            Nokkuð hefur verið rætt um hnattræn áhrif vegna stækkunarinnar og þá sérstaklega gróðurhúsalofttegundir. Sumir hafa haldið því fram að verið sé að flytja súrál langar leiðir frá löndum sem hafi næga orku til að framleiða ál úr því sjálf og með því stuðla að frekari hnattrænni mengun. Staðreyndin er sú að súrálið sem í dag kemur til Straumsvíkur er að mestu leyti frá Írlandi og afgangurinn kemur frá Bandaríkjunum. Hvorugt þessara landa hefur endurnýjanlega orku aflögu til að annast fullvinnsluna og því er flutningur súrálsins nauðsyn. Einnig má benda á það að helsta svæðið fyrir uppbyggingu álframleiðslu er í dag við Persaflóann þar sem jarðgas er notað sem orkugjafi með tilheyrandi koltvísýringsmengun.

            Framkvæmdin er hinsvegar ekki án kosta heldur. Tekjur Hafnarfjarðarbæjar af álverinu eftir stækkun eru 800 miljónir króna á ári. Þar eru ekki teknar með útsvarstekjur starfsmanna og ekki heldur tekjur birgja álversins í Hafnarfirði. 350 ný störf munu skapast í álverinu fyrir bæði tæknimenntað fólk og verkafólk auk annara afleiddra starfa.

            Valið er ykkar Hafnfirðingar. Á annan bóginn framsækinn Hafnarfjörður með öflugt atvinnulíf og á hinn bóginn Hafnarfjörður með óvissa framtíð. Að lokum vil ég óska ykkur og öðrum góðrar helgi.

Real Madrid Hvað!!!

Manchester, alltaf bestir.

Manchester United er verðmætasta knattspyrnufélag heims

"WAR"

Þetta getur ekki endað nema á einn veg. Spái loftárásum á Abadan í lok næstu viku.

Bretar falast eftir stuðningi öryggisráðsins í deilunni við Írani

Nostradamus Íslands

Fyrst Davíð er svona spáspakur, ætli hann hafi þá vitað fyrirfram að ekki voru gjöreyðingarvopn í fórum Saddams? 

Það minnsta hefði nú verið að láta Bush vita

Davíð Oddsson: stýrivextir væntanlega lækkaðir á fjórða ársfjórðungi

Bergur - Landverndarmaður á villigötum

Bergur Sigurðsson framkvæmdastjóri Landverndar skrifar grein í Morgunblaðið í dag þar sem hann hvetur til þess að allt ál verði framleitt í þróunarlöndunum. Hans helstu röksemdir eru þær að hægt sé að fá vatnsorku nær báxítnámunum og því hægt að losna vil flutningana til Íslands og þar með spara gróðurhúsalofttegundir. 

Bergur er væntanlega að skrifa gegn stækkun álversins í Straumsvík ef ég les tímasetningu greinar hans rétt. Hann ætti að kynna sér það að um 70% þess súráls sem til Straumsvíkur kemur er frá eyjunni grænu Írlandi þaðan sem sumir halda að sé engin stóriðja heldur bara ferðamennska og þekkingariðnaður. Afgangurinn kemur síðan frá Bandaríkjunum.

Önnur staðreynd er sú að álverið í Straumsvík er í fremstu röð í heiminum við að takmarka losun gróðurhúsalofttegunda með nærri helmingi minni losun en meðaltal álvera í heiminum. Trúlega væri sá mismunur margfalt meiri en sá útblástur sem verður til við að flytja súrálið til Íslands. Bergur gleymir því líka að það þarf að flytja fullunnið álið til Bandaríkjanna eða Evrópu hvort eð er því þar fer úrvinnslan fram og hann er því einungis búinn að spara tæpan helming á því að flytja bara álið í stað súrálsins. 

Í dag er staðan þannig að stór hluti þeirra álvera sem er í byggingu er við Persaflóann og verður rekinn með gasaflsstöðvum. Nú reikna ég með því að sá bruni sé skárri en að framleiða rafmagn með olíu en stenst þó varla samanburð við vatnsorkuna. Það er alveg rétt hjá Berg að það er umtalsverð álframleiðsla í Brasilíu auk þess sem álver eru í Argentínu og Venezuela. Í Brasilíu, Venezuela og Surinam er einnig umtalsverð framleiðsla á súráli en sú framleiðsla er líka orkufrek og hluti af þessari framleiðslu notar kol og olíu sem orkugjafa en ekki vatnsorku. Það virðist þvi ekki vera nein ósköp af vatnsorku á lausu í Suður Ameríku og samkvæmt Alcoa forstjóranum virðist hún vera dýr. Þar er væntanlega verið að borga fyrir nálægðina við súrálsvinnsluna. 

Bergur kemur síðan inná punkt sem mér finnst alltaf jafn fyndinn. Rafmagn fyrir tölvuver. Ef það er ekki að selja sig ódýrt þá veit ég ekki hvað. Hafa menn eitthvað hugsað útí það hversu marga starfsmenn þarf til að þjónusta svona tölvuver? 5 eða 10. Það hleypur varla á tugum amk. 5 tölvunarfræðingar á móti 800 starfsmönnum í álveri. Það sjá allir hver hin þjóðhagslega hagkvæmni liggur í því.

Bergur hittir loksins naglann á höfuðið þegar hann talar um endurvinnslu á áldósum. Slík endurvinnsla er gulls ígildi því trúlega enginn málmur er jafn auðveldur í endurvinnslu og ál. Sóun Bandaríkjamanna á áldósum er heiminum víti til varnaðar og verðugt verkefni að takast á við.

           

Inn vari gestur,

er til verðar kemur

þunnu hljóði þegir,

eyrum hlýðir,

en augum skoðar.

Svo nýsist fróðra hver fyrir.

Rothögg fyrir Sól í Straumi? Raflínur lagðar í jörð

Eftirfarandi frétt birtist í gærkvöldi í sjónvarpsfréttum og á vef Alcan.

 

Raflínur í jörð við Vallarhverfið

Línumannvirki við Vallarhverfið í Hafnarfirði verða fjarlægð ásamt stórum hluta spennustöðvarinnar við Hamranes samkvæmt nýju samkomulagi milli Landsnets og Alcan. Aðrar loftlínur sem nú standa ofan við byggðina verða settar í jörð við Kaldárselsveg að spennustöðinni en stöðin mun að loknum breytingum eingöngu þjónusta íbúabyggð á svæðinu. Hafnarfjarðarbær mun ekki bera kostnaðinn af breytingunum en þær eru háðar því að stækkun álversins verði að veruleika, enda eru aukin raforkukaup álversins forsenda þess að breytingin verði. Með samkomulaginu er komið mjög til móts við óskir bæjaryfirvalda og íbúa á svæðinu, sem hafa m.a. óskað eftir því að fá raflínur í jörð þar sem hægt er að koma slíku við.

Þær raflínur sem liggja munu að álverinu eftir breytingu verða mun fjær byggðinni en nú er. Byggð verður ný spennistöð við Hrauntungur, á landsvæði sem ráðgert er að verði framtíðariðnaðarhverfi Hafnarfjarðar, en að hinni nýju spennustöð verður ein loftlína frá Hamranesi. Vegna aukinna raforkuflutninga til álversins þarf að bæta við einni raflínu í flutningskerfi Landsnets (Kolviðarhólslínu 2) sem liggja mun ofan af Hellisheiði samhliða Búrfellslínu 3 að nýrri spennistöð við Hrauntungur. Flutningsgeta Búrfellslínu 3 verður einnig aukin og umhverfisrask þannig lágmarkað.

 

Spurning hverju Sólarmenn þurfa að snúa sér að núna. Við þetta snarminnkar sjónmengun og þá sérstaklega hjá íbúum Vallahverfis sem losna við línurnar úr sínu næsta nágrenni.

Mér var annars bent á grein eftir Benedikt Jóhannesson forstjóra Talnakönnunar í 11. tölublaði Vísbendingar. Hann bendir á að munurinn á því að stækka eða ekki stækka álverið sé nær 12-13 miljörðum en ekki 3-4 miljörðum eins og Hagfræðistofnun heldur fram. 

Já er málið 31. mars. 

Nei nei og aftur nei

Það er mikið um neikvæðni í Hvíta húsinu þessa dagana. Þetta setur væntanlega tóninn fyrir afganginn af stjórnartíma Bush. Þetta þýðir það að fátt mun gerast á þeim tíma nema fylkingarnar komist að samkomulagi um það. 

Hmm. Líklegt 

Hvíta húsið ítrekar fyrirheit um að beita neitunarvaldi

Við viljum jafnrétti - Sótt að síðasta vígi karlmanna

Í ljósi líflegrar umræðu um jafnrétti að undanförnu og ekki síst hér í bloggheimum ákvað ég að gera smá naflaskoðun. Nú hleypur hér hver kvenréttindakonan af annarri upp til handa og fóta og fordæmir launaleynd og misvægi á hlutfalli karla og kvenna í stjórnum fyrirtækja. Við karlpungarnir nötrum og skjálfum og þorum varla að svara fyrir okkur enda við að verða vel húsvandir. Síðasta vígi karla er því að falli komið enda harðar sótt að því en Hornborg og eigi jafn hugaðir menn á borgarmúrnum. 

Á mínu heimili hefur því þannig farið að lengst af hef ég haft hærri tekjur en eiginkonan. Þegar hinsvegar kemur að þeim hluta að ráðstafa tekjunum þá reiknast mér svo til að eiginkonan ráðstafi nánast öllum þeim tekjum sem ekki fara í þessa föstu venjulegu hluti eins og húsnæði og rekstur bifreiðar. Það er hún sem ákveður hvað er keypt á börnin, hvað fólki er gefið í afmælis og jólagjafir, hvað er í matinn osv. Hverju ráðum við karlmenn á heimavígstöðvunum þessa dagana? Hvort að við vöskum upp fyrir eða eftir fréttirnar?

Svo ég haldi nú áfram að barma mér þá er ég hættur að reyna að finna föt á krakkana á morgnana því það er tóm tímaeyðsla. Það eina sem ég hef uppúr því er hneykslunarblik og taut ,,að þér skyldi detta það í hug að setja barnið í þetta. Það vita það allir að bleikt og appelsínugult fer ekki saman. Drengurinn lítur út eins og ég veit ekki hvað".

Ekki tekur skárra við þegar kemur að auglýsingatímum sjónvarpsstöðvanna. 90% auglýsinganna er beint að konum og þau 10% sem eftir eru er beint að samkynhneigðum og/eða einhleypum körlum. Það þarf ekki að taka það fram að manni dauðleiðist að horfa á endalausar kremaauglýsingar þegar maður myndi heldur vilja horfa á bíla eða verkfæraauglýsingar.  

Sá skondna tilvitun í bílasala um daginn þar sem þeir sögðu að karlarnir kæmu stundum nokkrir saman og skoðuðu bíla. Spáðu þeir mikið í tæknileg atriði eins og hestöfl, tork og aukahluti. Oft væru það bílar eins og hér að neðan sem væru skoðaðir.

 

 

Hinsvegar þegar konan mætir á svæðið er annað uppá teningnum. Notagildi, litur á mælaborði og annað verður oftast til þess að á endanum verður bíll eins og að neðan fyrir valinu.

 

Finnst konum síðan virkilega skrýtið að við karlagreyjin viljum halda í síðasta vígið þeas að afla meira. Hvað eigum við eftir þegar þetta vígi er fallið? Leyfið okkur að halda í þá tálsýn að við fáum hærri laun. Skiptir það einhverju máli þegar það er hvort eð er kona sem að eyðir þeim.

 

Allt í plati

Þetta var alveg óvart. Við ætluðum ekki að gera þetta. Skrýtið að fólk geti ekki athugað sín mál betur áður en hlaupið er í fjölmiðla með ásakanir um hitt og þetta. Væri ekki eðlilegt að heilbrigðisráðherra myndi fara fram á afsökunarbeiðni?

Segja úthlutanir úr Framkvæmdasjóði aldraðra hafi verið samkvæmt lögum