Gúrkutíð

Ekki hefur margt verið ritað hér að undanförnu og ekki er alveg von á að gerð verði bragarbót á að svo stöddu. Flutningar, netleysi ofl. eru þar aðaláhrifavaldar. En eflaust kemur maður bara sterkur inn á ný þegar meiri tími gefst.

Misskilningur í gangi??

Einhver er að bulla aðeins hérna. William Genaust tók ekki ljósmyndir heldur kvikmyndir og þar á meðal kvikmynd af því þegar flagg númer 2 var reist. Af því atviki tók síðan Joe Rosenthal hina frægu mynd sem mynd Clint Eastwood fjallar einmitt um.

 

http://www.iwojima.com/clips/index.htm 

Glæsilegt stelpur

Vonandi er að strákarnir taki þetta til eftirbreytni.

Fimm marka sigur Íslands á Serbum

Námslok

Þá er náminu lokið og hægt að titla sig framleiðslutæknifræðing. Einkunnin var 10 sem er í stíl við væntingarnar þrátt fyrir að 11 hefði auðvitað verið skemmtilegri. Ekki verður það leiðinlegra þegar familían kemur síðan í heimsókn um helgina til að fagna þessu og skoða sig um í Danaveldinu í leiðinni. 

Almennileg nýting

Svona gera Íslendingar þetta. Ekki verið að hætta við hálfunnið verk.

Voru Hillary og Norgay fyrstir á tind Everest?

Gróðavon?

Ætli það sé gróðavon í að fjárfesta í fyrirtækinu. Með allt hið mikla tal um samruna og uppkaup á álmarkaðnum gæti verið von á feitu yfirtökutilboði fyrr en varði. Hmm spurning samt hvað myndi gerast ef Össur eða Þórunn settu strik í reikninginn á síðustu stundu með Helguvíkina.

Century Aluminum skráð á First North Iceland

Býður upp á of marga brandara

Það veitir kanski ekki af að fá nýjar rafhlöður fyrir endasprettinn. Það er eflaust nóg að gera þegar maður sér um að stjórna Bandaríkjunum og strengjabrúðunni Bush. Annars þarf eflaust að skipta um rafhlöður og margt fleira í Bush og þarf helst að drífa í því.

Skipta þarf um rafhlöður í Cheney

Er ekki komið nóg Eyjólfur???

Eftir 50 mínútna leik gafst ég upp á að horfa á Svíþjóð-Ísland. 5-0 var þá staðan og ekki miklar líkur til að breyting yrði þar á nema þá ef vera skyldi til hins verra. Þrátt fyrir að annar bragur væri á leik liðsins en í síðasta leik enda allir leikmennirnir að berjast fyrir liðið virtist það ekki duga til. Hér þarf að grípa tilróttækra aðgerða ef við eigum ekki að falla niður á Andorra og Liechtenstein planið og eiga einhverja smá möguleika á að komast í lokakeppnir á einhverjum mótum. Það er greinilegt af leik liðsins að það er ekki um neina samæfingu að ræða sem er grundvöllur fyrir öguðum og skipulögðum varnarleik. Á laugardaginn vantaði alla baráttu í liðið en hún var þó til staðar að einhverju leyti í kvöld. Kannski hafði það eitthvað að gera með fjarveru Eiðs enda sá drengur enginn vinnuhestur í Íslenska landsliðsbúningnum ekki frekar en Veigar Páll. Þegar maður hugsar til baka til þess tíma þegar Guðjón Þórðar stýrði liðinu þá getur maður ekki annað en andvarpað. Þá var aldrei hætta á rasskellingum eða niðurlægingum eins og í kvöld. Leikstíllinn var kannski ekki áferðafallegur en við verðum bara að sætta okkur við að til þess að ná árangri verðum við að nýta okkar styrkleika og það er ekki Brasilískur sambabolti. Okkar styrkleiki er að við erum mestu harðnaglar sem spila fótbolta hérna megin Satúrnusar. Ef við höfum ekki leikmenn eða þjálfara sem eru tilbúnir til að spila þannig bolta er kominn tími til að breyta til. Guðjón á að koma aftur og það á að skapa landsliðinu almennilega umgjörð með tilheyrandi æfingaleikjum og undirbúningstíma sem gerir liðið að LIÐI ekki samansafni 11 einstaklinga sem hittast öðru hverju og spila fótbolta.

Hvað varðar Eið Smára þá tel ég að það sé rétt mat margra að hann eigi ekki að vera fyrirliði liðsins. Hann vantar einfaldlega karakterinn til þess. Hermann "The Herminator" Hreiðarsson er sá maður sem ég tel að eigi mest tilkall til stöðunnar ásamt Brynjari G. Hermann er maður sem hættir aldrei og sættir sig ekki við neitt annað en menn leggi sig 100% fram í 90 mínútur sem er nákvæmlega það sem við þurfum að gera. Ef Eiður Smári getur síðan sætt sig við að vinna undir þeim kringumstæðum þar sem hann vinnur til baka, pressar boltann og hjálpar liðinu þá ætti hann að vera hluti af liðinu. Ef hann hinsvegar ætlar að jogga stefnulaust fram og aftur og taka 1-2 spretti í leik þá hefur hann ekkert að gera í liðinu. Mórall liðsins með farþega af slíku tagi yrði slæmur og er það etv. nú þegar. Það þarf að taka til hendinni hjá landsliðinu og það er ekki bara við Eyjólf að sakast hvernig gengið hefur verið, KSÍ hefur ekki skapað liðinu þær aðstæður sem þarf til að ná árangri og því þarf að breyta.

Stuðningsmaður íslenska landsliðsins

Kommúnisminn stefnir að heimsyfirráðum!!!!!

Það er ekki að spyrja að rauðliðunum. Ekki fyrr búnir að mála bæinn rauðann á Grænlandi þá er rokið í að byggja rauðann öreigakofa á Hvítafjalli og lýsa yfir sjálfstæði. Trúlega hefur maðurinn ætlað að endurreisa Varsjárbandalagið og heimta eldflaugaskjöld fyrir væntanlega öreigakommúnu sína. Það er nú svo að hryðjuverkamennirnir leynast víða

Danskur listamaður handtekinn á Mont Blanc

Grillaður netsími

Heldur hafa samskiptin við Frónið daprast undanfarna daga eftir að netsíminn okkar ákvað að gera uppreisn. Eftir langa mæðu náðist í þjónustufulltrúa sem taldi uppá það að boxið væri gengið af göflunum og spurði hvort að við vissum eitthvað um ástæður fyrir slíku. Við töldum þá uppá það að þrumuveðrið í síðustu viku væri sökudólgurinn enda hafði einni eldingu slegið niður í nágrenninu og rústað tölvu hjá nágrannakonu okkar. Við sitjum því uppi með steikt símabox og þurfum eflaust að nota Skype til að skiptast á hljóðum við Frónbúa þennan mánuðinn.