Er ekki komið nóg Eyjólfur???

Eftir 50 mínútna leik gafst ég upp á að horfa á Svíþjóð-Ísland. 5-0 var þá staðan og ekki miklar líkur til að breyting yrði þar á nema þá ef vera skyldi til hins verra. Þrátt fyrir að annar bragur væri á leik liðsins en í síðasta leik enda allir leikmennirnir að berjast fyrir liðið virtist það ekki duga til. Hér þarf að grípa tilróttækra aðgerða ef við eigum ekki að falla niður á Andorra og Liechtenstein planið og eiga einhverja smá möguleika á að komast í lokakeppnir á einhverjum mótum. Það er greinilegt af leik liðsins að það er ekki um neina samæfingu að ræða sem er grundvöllur fyrir öguðum og skipulögðum varnarleik. Á laugardaginn vantaði alla baráttu í liðið en hún var þó til staðar að einhverju leyti í kvöld. Kannski hafði það eitthvað að gera með fjarveru Eiðs enda sá drengur enginn vinnuhestur í Íslenska landsliðsbúningnum ekki frekar en Veigar Páll. Þegar maður hugsar til baka til þess tíma þegar Guðjón Þórðar stýrði liðinu þá getur maður ekki annað en andvarpað. Þá var aldrei hætta á rasskellingum eða niðurlægingum eins og í kvöld. Leikstíllinn var kannski ekki áferðafallegur en við verðum bara að sætta okkur við að til þess að ná árangri verðum við að nýta okkar styrkleika og það er ekki Brasilískur sambabolti. Okkar styrkleiki er að við erum mestu harðnaglar sem spila fótbolta hérna megin Satúrnusar. Ef við höfum ekki leikmenn eða þjálfara sem eru tilbúnir til að spila þannig bolta er kominn tími til að breyta til. Guðjón á að koma aftur og það á að skapa landsliðinu almennilega umgjörð með tilheyrandi æfingaleikjum og undirbúningstíma sem gerir liðið að LIÐI ekki samansafni 11 einstaklinga sem hittast öðru hverju og spila fótbolta.

Hvað varðar Eið Smára þá tel ég að það sé rétt mat margra að hann eigi ekki að vera fyrirliði liðsins. Hann vantar einfaldlega karakterinn til þess. Hermann "The Herminator" Hreiðarsson er sá maður sem ég tel að eigi mest tilkall til stöðunnar ásamt Brynjari G. Hermann er maður sem hættir aldrei og sættir sig ekki við neitt annað en menn leggi sig 100% fram í 90 mínútur sem er nákvæmlega það sem við þurfum að gera. Ef Eiður Smári getur síðan sætt sig við að vinna undir þeim kringumstæðum þar sem hann vinnur til baka, pressar boltann og hjálpar liðinu þá ætti hann að vera hluti af liðinu. Ef hann hinsvegar ætlar að jogga stefnulaust fram og aftur og taka 1-2 spretti í leik þá hefur hann ekkert að gera í liðinu. Mórall liðsins með farþega af slíku tagi yrði slæmur og er það etv. nú þegar. Það þarf að taka til hendinni hjá landsliðinu og það er ekki bara við Eyjólf að sakast hvernig gengið hefur verið, KSÍ hefur ekki skapað liðinu þær aðstæður sem þarf til að ná árangri og því þarf að breyta.

Stuðningsmaður íslenska landsliðsins

Athugasemdir

[Guðmundur Bjarnason (IP-tala skráð) 7.6.2007 kl. 06:12]

Já ekki var þetta burðugt hjá íslenska landsliðinu í gær. Það var eins hjá mér og þér nafni að eftir niðurlægjingu í 50 míútur gafst ég upp og fór að horfa á Sylvester Stallone í hörku léglegri mynd, sem var þó sköminni skárra en að horfa á íslenska landsliðið.Mér fanst íslenska landsliði allt upp til hópa spila hörmulega í gær (í þessar 50 mínútur sem ég sá). Hvernig stendur á því að íslenska liðið getur ekki haldið boltanum lengur en 10 sek innan liðsins? Að sjá sænska liðið spila boltanum sín á milli tímunum saman án nokkurs erfiðleika er nokkuð sem við ættum að minnsta kosti að reyna í framtíðinni.

Hvernig stendur á því að það er ráðinn A-landsliðs þjálfari sem hefur nánast enga reynslu af þjálfun? Ef mig minnir rétt þá hefur Eyjólfur (sá ágæti maður) bara þjálfað U21 liðið í örfá ár og er síðan ráðinn A-landsliðs þjálfari. Hvar myndi þetta gerast nema á Íslandi? Er ekki lámarks krafa að þjálfarinn hafi góða reynslu af þjálfun og hafi sannað sig sem þjálfari? Ekki rekur mig minni til þess að Eyjólfur hafi gert einhverja stórkotslega hluti með U21-landsliðið sem réttlætir það að verða ráðinn A-landsliðsþjálfari.

Það verður því að setja spurningarmerki við störf KSÍ að ráða þess háttar mann til starfa. Kannski vita þeir eitthvað sem við vitum ekki? Það hlýtur að vera í þeirra verkahring að skapa almennilega umgjörð fyrir landsliðið og stefna sem hæst með liðið eins og hægt er.

Já svona væri lengi hægt að telja upp en eftir þessa útreið í gær og úrslit seinustu leikja þá er ekki hægt að annað en að spyrja spurninga sem brenna á manni.

[fanney (IP-tala skráð) 7.6.2007 kl. 19:48]

ÉG ætla ekki að segja þér hvað það er gaman að vera íslendingur í Svíþjóð núna...eða þannig sko. Meira að segja Jóhann Rökkvi var böggaður á fótboltaæfingu áðan, þegar einn pabbin spurði hann "sástu leikinn í gær??". Kennarinn hennar Líneikar hló uppí opið geðið á mér og híaði á mig.....já ég nottlega get núna borið við smæð okkar he he...Annars sakna kellu þinnar MJÖG MIKIÐ...þ.e. að geta ekki blaðrar við hana í síma reglulega 6 sinnum á dag;-)

[Jóhann Elíasson, 12.6.2007 kl. 17:30]

Ég er þér 100% sammála  með það að kannski ætti Eiður Smári ekki að vera fyrirliði landsliðsins, hann er allt of góður strákur og vill vera allra vinur, það gengur bara ekki upp hjá stjórnanda, það er annað að vera "vinur" allra en að öllum líki vel við mann.  Eyjólfur hefur ekki náð að "peppa" menn upp, þetta er ágætis mannskapur sem hann hefur til að moða úr en svo má gagnrýna KSÍ fyrir að skaffa ekki fleiri æfingaleiki.