Snilldarbragur um Framsókn frá systrum mínum.

Leiðtogadýrkun Samfylkingarinnar í nýjum hæðum

Að horfa á auglýsingarnar frá Samfylkingunni núna á lokasprettinum er hjákátlegt. Það er augljóst að Samfylkingin á enga aðra frambjóðendur sem eru traustsins verðir eða ekki blandaðir í spillingar og styrkjamál því að Jóhönnu er teflt fram sem eina frambjóðanda flokksins. Jóhönnu er teflt fram sem hinum sterka leiðtoga sem haldið getur flokksbrotahrúgunni saman og líka stjórnað landinu.

Jóhönnu hefur í gegnum árin verið lýst sem erfiðri í samstarfi sem er ekki beinlínis kostur sem að við þurfum í forsætisráðherra. Þá held ég að Steingrímur J standi henni langtum framar.

En hvaða lið er Jóhanna að draga með sér inn á þing? Í SV kjördæmi eru það Katrín Júlíusdóttir styrkjasérfræðingur, Þórunn Sveinbjarnardóttir sérfræðingur í að fæla burt erlenda fjárfestingu að ógleymdum snillingnum Lúðvík sem að bjó í svo ríku bæjarfélagi að hann hafði efni á að kasta frá sér miljarða fjárfestingu í Straumsvík sem væri í dag að skapa 2000 störf.

Er þetta fólkið sem að við viljum fá inn á þing í skjóli leiðtogans sterka?

Samfylkingin enn stærst

Er stóriðjan skiptimyntin fyrir ESB aðild?

Miðað við málflutning síðustu daga þá er þetta trúlega niðurstaðan. VG fær að ráða í umhverfismálum og Samfylkingin fær aðildarviðræður við ESB. Báðir verða búnir að svíkja eitt af aðalkosningaloforðum sínum á mánudag fyrir vikið. En það er auðvitað gömul saga.

Ekkert samkomulag um ESB

Sumir eru enn fastir í gamla tímanum

Ásta Ragnheiður sýnir þarna að hún hefur ekkert lært og að skóflustungupólitíkin er enn lifandi í Samfylkingunni. Seint læra sumir.

Tæpum milljarði úthlutað úr Framkvæmdasjóði aldraðra

Útreið Össurar

Þegar þátturinn hófst þá hélt ég að Guðlaugur Þór yrði tekinn af lífi í beinni. Hann fékk svosem sinn skammt en það kom á óvart að Össur sem er nú eldri en þrevetur í pólitík lenti í miklum vandræðum þegar hann fékk ekki að beita löngu orðskrúði til að fela fátæklegt innihald svara sinna. Það að svara til um hvaða styrki hann fékk og þó ekki gerði bara illt verra.

Sturla stóð sig vel og hefur eflaust halað inn einhverjum atkvæðum í kvöld þrátt fyrir að það skili honum tæplega á þing að þessu sinni. Hann á ýmislegt eftir ólært en talar þannig að fólk skilur hann.

Vigdís kom einnig vel fyrir og svaraði skýrt og skorinort án óþarfa málalenginga. Vonandi að hún haldi því áfram og ég á von á því að hún nái inn ásamt Sigmundi.

Svandís var ekki nógu ákveðin og tókst ekki að láta kné fylgja kviði hvað styrkjamálið varðaði. Tapað tækifæri þar.

Fulltrúar Lýðræðis og borgarahreyfingarinnar voru ekki eftirminnileg.

Trúi ekki að Samfylkingin láti stranda á ESB

Er Kolbrún þá ómerkingur orða sinna og ekki lengur talsmaður VG?

Ég hélt að Kolbrún væri helsti talsmaður VG í umhverfismálum. Hún er ss. svo illa að sér í stefnu flokksins í þeim málaflokki að flokkurinn sér sig nauðbeygðann til að senda út afturköllun á orðum hennar. Hvaða rugl er í gangi eiginlega?

VG ekki gegn olíuleit

Á að fara aftur í fjallagrasafarið?

Fyrir kosningarnar 2007 virtist það eina sem að VG vildi gera í atvinnumálum var að fjölga fólki á listamannalaunum og efla fjallagrasatínslu. Síðustu mánuði hafa Katrín og Steingrímur komið fram eins og ábyrgir stjórnmálamenn en það er greinilegt að það eru ekki bara skynsamt fólk í VG. Þar er einnig fólk sem ekki hefur neitt jarðsamband.

VG gegn olíuleit á Drekasvæði

Myndi Kolbrún beygja sig eftir gullstöng ef að hún fyndi hana á götunni?

Ég trúði varla mínum eigin eyrum þegar ég heyrði Kolbrúnu Halldórsdóttur leggjast gegn því að vinna olíu á Drekasvæðinu því að það væri andstætt stefnu VG. Hefur Kolbrún aldrei heyrt spakmælið "Sveltur sitjandi kráka á meðan fljúgandi fær." Ætlar VG virkilega að sitja á rassgatinu í stað þess að reyna að bjarga sér eins og hægt er. Það er hreinlega ótrúlegt að hún ætli að bera svona boðskap á borð fyrir þjóð sem er skuldum vafin og með 18 þúsund manns atvinnulaus.

 

Dregur saman með flokkunum

Skattahækkanir eða skattalækkanir?

Eitthvað virðist þetta vera að velkjast fyrir Jóhönnu blessaðri hvort að það eigi að hækka eða lækka skatta. Samfylkingin hefur ekki mótmælt tillögum VG en það er greinilegt að það verða deilur um fleira en ESB aðild í stjórnarmyndunarviðræðum milli þeirra.

Pólitísk afskipti hamla samkeppni

Að stýra umræðu

Það er undarlegt að Björn Ingi fái þann heiður að birtast á mynd með þessari frétt. Hann er ekki í framboði eða í kjörnu embætti lengur. Það eru hinsvegar félagar hans Steinunn Valdís og Guðlaugur Þór. Þessir styrkir eru margir langt út fyrir öll skynsemismörk og geta ekki annað en haft skoðanamyndandi áhrif á þiggjendurna. Það er því mun mikilvægara að horfa á þá sem að við gætum verið að kjósa yfir okkur á laugardaginn heldur en aðila sem að ekki hefur lengur nein pólitísk áhrif. 

8 Sjálfstæðismenn alls 4.950.000

8 Samfylkingarmenn alls 4.350.000 amk. (Árni Páll er ekki með krónutölu)

2 Framsóknarmenn alls 2.300.000

Það dyttu mér allar dauðar lýs úr höfði ef þetta hefði ekki áhrif á fylgi Samfylkingarinnar næstu daga.

Þrjú fengu 2 milljónir frá Baugi