Grillaður netsími

Heldur hafa samskiptin við Frónið daprast undanfarna daga eftir að netsíminn okkar ákvað að gera uppreisn. Eftir langa mæðu náðist í þjónustufulltrúa sem taldi uppá það að boxið væri gengið af göflunum og spurði hvort að við vissum eitthvað um ástæður fyrir slíku. Við töldum þá uppá það að þrumuveðrið í síðustu viku væri sökudólgurinn enda hafði einni eldingu slegið niður í nágrenninu og rústað tölvu hjá nágrannakonu okkar. Við sitjum því uppi með steikt símabox og þurfum eflaust að nota Skype til að skiptast á hljóðum við Frónbúa þennan mánuðinn.