Eitthvað gölluð reiknivélin hjá þessum!!!

Hmm ef að ég lærði prósentureikning rétt þá er 120 55% af 216. Það þýðir væntanlega að krónan hefur veikst um 45% en ekki um 80%.

Gengisvísitala krónu hækkaði um 80,24% á árinu

Athugasemdir

[maggi (IP-tala skráð) 31.12.2008 kl. 12:58]

216,29/120=1,802416666666 eða 80,24% hækkun ekki satt

[Haraldur Hansson, 31.12.2008 kl. 13:00]

Þegar gengisvísitalan fer upp fer verðgildi krónunnar niður. Vísitalan var 120 og hækkaði upp í 216, eða um 96 stig. Og þar sem 96 er 80% af 120 hefur krónan veikst um 80%.

[Gústi (IP-tala skráð) 31.12.2008 kl. 13:14]

Nei þú hefur greinilega ekki lært prósentureiknig rétt...

[Barton (IP-tala skráð) 31.12.2008 kl. 13:17]

Guðmundur er með þetta rétt, en Moggi og Haraldur öfugt. Verð erlendra gjaldmiðla (m.ö.o. gengisvísitalan) hefur hækkað um rúm 80% á árinu gagnvart krónu. Það þýðir aftur á móti að gengi krónu hefur lækkað gagnvart öðrum gjaldmiðlum um 45%.

Eiginlega er best að átta sig á muninum á þessu tvennu með því að skoða tvöföldun gengisvísitölunnar, t.d. úr 100 í 200. Það jafngildir að sjálfsögðu 100% hækkun hennar, og þar af leiðandi verðs erlendra gjaldmiðla, en hins vegar samsvarar það 50% veikingu krónu. Krónan getur aldrei veikst um 100% nema hún verði algerlega verðlaus.

kv/Barton

[gummih, 31.12.2008 kl. 13:18]

Þetta er auðvitað argasta bull að orða þetta svona. Verðgildi krónunnar hefur ekki rýrnað um 80%! Við fáum ekki 80% minna fyrir krónurnar en við fengum fyrir ári, nógu slæmt er það nú samt.

Það er hinsvegar rétt að vísitalan hefur hækkað um 80%

Segjum að þú sért með tvo bíla a. og b. sem eru jafn dýrir, 1.000.000kr
Bíll a. hækkar um 80%, það þýðir ekki að bíll b. sé allt í einu orðinn 80% ódýrari en bíll a.

Það rétta er auðvitað að bíll b. (1.000.000) er 800.000kr ódýrari en bíll a. (1.800.000). Hlutfallslegur munur nemur 800.000/1.800.000 = 45%
(Bíll a. samsvarar þannig núverandi vísitölu en bíll b. samsvarar vísitölunni fyrir ári síðan)

Krónan er búin að veikjast um 45% á árinu, við fáum núna 45% minna af erlendum varningi fyrir hverja krónu.

[gummih, 31.12.2008 kl. 13:45]

Ég sé að Barton svaraði um leið og ég - og miklu betur sýnist mér.

En alveg finnst mér makalaust að þessi frétt sé látin standa, nógu mikil er histerían samt þó að fjölmiðlarnir séu ekki að æla svona bulli yfir fólk

[Ólafur I Hrólfsson (IP-tala skráð) 31.12.2008 kl. 14:08]

gummih - það er á svona "fréttaflutningi" sem "fréttamenn" þrífast. Ef þeir detta um sannleikann einhverntíman á lífsleiðinni þá standa þeir bara upp aftur og láta eins og ekkert hafi í skorist. Þannig er þetta hér og hefur verið lengi - því miður

Ólafur I Hrólfsson

[Guðmundur Ragnar Björnsson, 1.1.2009 kl. 12:46]

Það er ánægjulegt að sjá að þeir hafa breytt þessu til betri vegar. Er hinsvegar sammála þér Ólafur að þetta er ekki nein sérstök frétt, hvað þá með þeim formerkjum sem hún var birt fyrst undir þeas. að krónan hefði veikst um 80%.