Kemur ekki á óvart

Þetta er svosem viðbúið að álverðið lækki. Fyrir því eru nokkrar megin ástæður og má skipta þeim í tvo flokka. Fyrri flokkurinn er árstíðabundinn og kemur upp á hverju ári í nóvember og desember. Bókhaldslega ástæðan er sú að í efnahagsreikningi vilja menn heldur hafa reiðufé en fé bundið í óseldri vöru og er því miklu vörumagni komið á markaðinn, hinsvegar er markaðurinn oft ekki undir það búinn að taka við vörunni þar eð jólalokanir ofl. framleiðsluþættir spila inn í. Seinni flokkurinn er síðan afleiðingar fjármálkreppunnar. Eftirspurn eftir hrávöru hefur fallið gríðarlega og er nánast sama hvaða vörutegund það er. Olía, ál og flestir málmar aðrir en gull leiða þær lækkanir sem að af þessu leiða. Hinsvegar er farið að ára illa hjá vogunarsjóðum og til þess að halda sjó og ná sér í torfengið reiðufé hafa þeir "dömpað" gríðarlegu magni af hverskyns hrávöru inn á markaðinn með augljósum afleiðingum á verðþróun.

Af þessu leiðir að búast má við að álverð verði lágt árið 2009 en þó líklegast hækkandi. Fjöldi álvera í Evrópu og Ameríku sem startað var að nýju eftir að álverðið fór yfir 2500 USD/t munu loka þar sem að þau munu einungis skila tapi. Það mun koma öflugum og vel reknum álverum til góða þar sem að minnkandi framboð mun hækka verðið á nýjan leik.

Álið lækkar með olíunni

Athugasemdir

[Karma (IP-tala skráð) 9.12.2008 kl. 01:55]

"Bókhaldslega ástæðan er sú að í efnahagsreikningi vilja menn heldur hafa reiðufé en fé bundið í óseldri vöru og er því miklu vörumagni komið á markaðinn, hinsvegar er markaðurinn oft ekki undir það búinn að taka við vörunni þar eð jólalokanir ofl. framleiðsluþættir spila inn í"

Þetta meikar ekki sens. Ef markaðurinn er hægastur í desember og framleiðendur vilja frekar dömpa vörunni í lok efnahagsárs en að setja með hana í bókhaldinu er útilokað að þeir hafi lok efnahagsársins des-jan.

Verð á hráefni almennt mun líklega alltaf sveiflast við efnahagsástand heimsins líkt og í gegnum tíðina þó að einstakar vörur muni hækka mikið þegar framboð minnkar mikið (olía) og aðrar muni lækka þegar ný tækni gerir þau úreld að sumu leiti (ál, bómull ofl.)

[Guðmundur Ragnar Björnsson, 10.12.2008 kl. 23:57]

Sæll/Sæl Karma

Ég var ekki að segja að þetta meikaði sens, en svona er þetta nú samt. Fjárbinding skiptir miklu máli þegar reikningar eru settir fram.

[Karma (IP-tala skráð) 11.12.2008 kl. 09:03]

Það sem ég skil ekki er hvers vegna þeir hafi lok efnahagsársins í des-jan. Það er mun eðlilegra að láta efnahagsárið enda mars-apríl eða júní-júlí. Þetta er jú hlutur sem viðkomandi fyrirtæki stjórnar.