Algert rugl

Til hvers var verið að kjósa um forystu á þessum fundi? Var virkilega búist við að skipt yrði um hesta á miðju vaði? Ekki held ég að nokkrum manni hafi hvort eð er dottið í hug að bjóða sig fram og taka við þrotabúinu svona rétt fyrir gjaldþrot. Það er ljóst að Ingibjörg og Ágúst eru að leggja ferilinn að veði 12 maí og allt undir 25% verður talinn mikill ósigur fyrir Samfylkinguna og kallar væntanlega á breytingar í forystunni.  

Ingibjörg Sólrún og Ágúst Ólafur endurkjörin

Athugasemdir

[Júlíus Sigurþórsson, 14.4.2007 kl. 21:11]

Allt undir 25% ? var þessi flokkur ekki með stefnuna á "jafn stór X-D" ? Allt undir því er þá ósigur, en 12 - 15% á eftir X-D er að vera gjörsigraður.

Þetta stefnir allt í sömu tölur og Alþýðubandalagið og Alþýðuflokkurinn höfðu hér í denn. Núna heitir þetta bara Samfylking og Vinstri grænir. Og það voru vinstri grænir með SJS í broddi fylkingar sem drap annars góða tilraun til sameiningar jafnaðamanna undir einu merki til meirihluta í stjórnmálum.

Tilraunin er dauð.

[Ragnar Bjarnason, 14.4.2007 kl. 23:33]

Mér sýnist já að þessi tilraun stefni a.m.k. í að vera dauð. kannski maður verði jákvæður og gefi henni séns smá í viðbót.