Glæsilegur árangur hjá Huld og Sigmundur sterkur

Ég er afar ánægður með að sjá Huld ná þriðja sætinu. Þar fer skörungur mikill og hún á eftir að gera það gott og tryggja flokknum vonandi góða kosningu í NA. Ekki var síður ánægjulegt að sjá Sigmund Davíð reykja og steikja Árna Pál í silfrinu í dag. Árni leit út eins og óöruggur smástrákur sem vissi ekki hvort hann var að koma eða fara. Ég ætla að vona að það verði eins margar pallborðsumræður fyrir þessar kosningar eins og mögulegt er því að enginn af hinum foringjunum hefur roð í hann. Einnig var ánægjulegt að sjá að Egill er hættur með Samfylkingar hallelúja viðkvæðið sitt og lét Árna heyra það þegar hann gólaði enn einu sinni að ESB væri bjarghringurinn.

Almenningur mun sjá að Sigmundur og Framsóknarflokkurinn eru með hugmyndir og lausnir og Sigmundur getur kynnt þær á þann hátt að fólk skilur. Á meðan kemur ekkert frá hinum flokkunum annað en tafs fyrir utan það að boðið verður upp á sömu súpuna og síðast því endurnýjunin er nánast enginn og gömlu flokksgæðingarnir munu enn á ný raða sér á jötuna. Þegar fólk fer að átta sig á því að það er ekki nóg að kjósa Samfylkinguna af því að Jóhanna er góð kona þá er voðinn vís fyrir Samfylkinguna og VG og D þurfa að sýna fram á einhverjar hugmyndir ef að þau eiga að ná framgangi.

Allt skynsamt fólk hefur í dag aðeins eitt val XB því að hinir flokkarnir eru eins gjaldþrota og bankarnir.

Birkir Jón sigurvegari

Athugasemdir

[heiða (IP-tala skráð) 15.3.2009 kl. 22:59]

Sterkur Sigmundur

Sæll Guðmundur ég verð víst að vera sammála þér núna Sigmundur þinn kom mjög sterkt fram Silfrinu hjá Agli þetta virðist klárlega vera framtíðar leiðtogi þessi Sigmundur Davíð mjög rökfastur strákur. En þú verður að viðurkenna að Guðfríður okkar kom líka vel fyrir í þættinum. kv Heida

[Guðmundur Ragnar Björnsson, 16.3.2009 kl. 17:34]

Guðfríður er vel máli farin og stóð sig vel í gær. Við erum reyndar ekki á sama máli í iðnaðarmálum en það er önnur Ella.