Búhú Wenni vælukjói

Það var völlurinn. Allir meiddir hjá okkur. Við eigum erfiðann leik á miðvikudag. Dómarinn var ömurlegur. Línuverðirnir voru litblindir. Áhorfendur voru dónalegir. Það var kalt í búningsherberginu okkar. Sokkarnir voru of litlir. Stengurnar á okkar marki voru mjórri...

 Þetta dæmir sig auðvitað sjálft. Arsenal voru einfaldlega yfirspilaðir frá A-Ö en það myndi Wenger auðvitað aldrei viðurkenna.

Það var hinsvegar virkilega gaman að sjá Utd. liðið spila með ákefð og ástríðu sem maður hefur saknað í síðustu leikjum. Ef menn ná að gíra sig svona upp fyrir restina af leiktíðinni þá er þrenna enn góður möguleiki. 

Arsene Wenger: Vallarstjórinn átti slæman dag eins og við

Athugasemdir

[Ingvar (IP-tala skráð) 17.2.2008 kl. 02:36]

Er lesskilningurinn enginn? AW sagði í fréttinni að liðið sitt hafi aldrei átt möguleika á því að komast inn í leikinn en þú kýst að horfa framhjá því og leggja honum svo orð í munn þegar hann lýsir undrun sinni á því hve lélegur völlurinn var því þarna inná voru dýrmætir leikmenn í báðum liðum. Ef þú lest þetta yfir aftur sérðu vonandi að hann kennir vellinum aldrei um tapið.

[Guðmundur Ragnar Björnsson, 17.2.2008 kl. 09:58]

Wenni litli var óánægður með að völlurinn var bleyttur fyrir leik og kennir því um auk annars. Það mætti líka halda að þú hafir aldrei séð eða lesið viðtal við Wenna eftir tapleik áður. Hann getur aldrei viðurkennt að hann hafi tapað fyrir betra liði punktur. Alltaf þarf að telja til hundrað afsakanir. Sé greinilega að það eru fleiri því marki brenndir

[Mikael Þorsteinsson, 17.2.2008 kl. 14:18]

heh.. ég man persónulega sjálfur eftir því þegar að Wenger kenndi kulda í búningsherbergi um ósigur sinna manna, held að jafn mikill væluskítur hafi aldrei sést í fótboltaheiminum, held að Arsenal menn ættu bara að hætta að nota þetta gums á búningana sem að hreinsar nasaholurnar eða eitthvað, það hefur greinilega áhrif á því hversu hryllilega miklir glæpamenn þetta eru, fyrir það fyrsta hvað er Ebue að hugsa þegar hann er að brjóta á Evra sólatækling í MAGANN á honum!! er ekki í lagi svona í alvöru talað, og Gallas, þarna sýndi hann hvers mikils virði hann er, og fullkomnaði ummæli fyrir leikinn, með því að reyna að sparka af afli í Nani eftir að hann braut á honum, flottur GALLAS!

og já Wenger var án lykilmanna: Rosicky, Persie, Flamini og Sagna...... UUUU Persie hefur verið frá nánast allt tímabilið en það hefur ekki háð Arsenal, Rosicky eruði að grínast, það er svona eins og United menn myndu segja að það vantaði Park á kantinn hjá okkur.. en bíddu voru þeir ekki með GALLAS og TOURE í vörninni, eiga þeir ekki að vera mjög góðir.

Bara að benda á að United voru ekki með menn eins og: Neville, Scholes (kom reyndar inná), Hargreaves, GIGGS, RONALDO, TEVEZ.. þarf að segja meira ;) 

[Ingvar (IP-tala skráð) 17.2.2008 kl. 15:48]

Bara rétt svona að minna ykkur á að Ferguson kenndi nú eitt sinn litnum á búningunum um afhroð. Liðið skipti meira að segja um búning í hálfleik svo þið ættuð að koma ykkur úr þessum glerhúsum og hætta að gagnrýna Wenger fyrir ykkar misskilning á því sem Wenger sagði.

[Arnheiður Fanney Magnúsdóttir, 17.2.2008 kl. 20:58]

Hinn helvítis bjórinn sprakk í frystinum ......En annars, frétti hjá mínum manni að þetta hafi verið góður leikur (hum like I care)

[Viðar Kristinsson (IP-tala skráð) 19.2.2008 kl. 19:23]

"Arsenal voru einfaldlega yfirspilaðir frá A-Ö en það myndi Wenger auðvitað aldrei viðurkenna." Jú reyndar gerði hann það...

 Lestu viðtalið aðeins betur yfir, þá kannski sérðu að þú ert bara að lesa úr þessu það sem þú vilt lesa úr þessu. Ég hlustaði á þetta viðtal og fannst það mjög flott hjá honum, Arsenal átti slæman dag og andstæðingurinn spilaði mun betur, og völlurinn var slæmur.. sem hann var, meira að segja Ferguson játar það og hefur sjálfur kvartað undan því í tapi. Þetta virðist alltaf gerast með þennan völl á eitthverjum tímapunkti. Varðandi Eboue, þetta var hræðileg 'árás' og þetta virðist vera vandamál hjá honum að láta flakka svona þegar hann missir boltann. Annars hafa nú United átt sinn skerf af villimönnum...