Dýrkeypt mistök???

Það var leiðinlegt að horfa uppá dómarann í Gettu betur gera þau mistök að gefa Kvennaskólanum rangt fyrir svarið 5 brauð og 2 fiska sem metta ættu 5000. Dómarinn hélt því ranglega fram að um tvö brauð og fimm fiska væri að ræða og þar með svipti hann Kvennaskólann sigrinum í raun og veru þar sem þau hefðu unnið í venjulegum leiktíma. Skítur skeður eins og einhver sagði en mér hefur heyrst á félaga Stefáni að þetta sé ekki fyrsta leiðindavillan sem inn slæðist.

Vonandi gengur betur næst. 

Athugasemdir

[Arnheiður Fanney Magnúsdóttir, 16.2.2008 kl. 09:33]

Hvernig er þetta með þig á að mæta í boltaáhorf um helgina??? Eða þorirðu kannski ekki, þar sem húsfrúin í grænukinn fríkaði út síðustu helgi....doj, ég lofa ég skal halda kj. næst....hehe

[Gerða (IP-tala skráð) 16.2.2008 kl. 13:16]

uss þetta er aðeins of ljót mistök af mínu mati.... sem betur fer var ég ekki í salnum, ég hefði startað hópmótmælum og hrópað að dómaranum að leiðrétta sig!! Er ekki grundvallaratriði að athuga hvort maður sé með rétt svör við spurningunum sérstaklega þar sem þessi blessaði dómari hefur jú gert mistök áður!!! Það þarf ekki nema að nefna spurninguna um heimsmetið í hástökki.... Sergey Bubka halló!! Fjallaði spurningin nokkuð um heimsmet í uppstökki með eða án stangar, ef ekki þá var þetta kolvitlaust.

Það er kannski spurning um að benda dómaranum á að mæta á háskólakynningu í dag, þar er guðfræðideildin að kynna sig og getur líklega frætt hann um ýmislegt og hugsanlega hjálpað með skráningar ef þess er óskað ;) Einnig getur hann sest niður með Biblíuna og flett upp á Lúkas 9 vers 13- ég mæli með því!!

[Guðmundur Ragnar Björnsson, 16.2.2008 kl. 14:16]

Það er ekki að spyrja að guðfræðinemanum rennur blóðið til skyldunnar. Nú er síðan spurning hvernig tekið verður á þessu.

 Mig langar mikið til að kíkja  í kinnina en maður veit aldrei hvort að maður fær einn kaldann í hendina eða skúringamoppuna

[Ragnar Bjarnason, 16.2.2008 kl. 15:06]

Því miður er þetta ekki eina dæmið um mistök í keppninni og þegar um slíkt hefur verið að ræða hafa viðbrögðin helst verið þöggun. Ekki gott þar sem þetta er "dauðans alvara". Þekki þetta vel, var þátttakandi í þremur keppnum sem keppandi og fleirum sem þjálfari.

[Árný (IP-tala skráð) 16.2.2008 kl. 17:08]

Algert kjaftæði! við áttum svo feitt skilið að vinna!!!! en gummi það er ,,hægðir henda'';)

[Tóti (IP-tala skráð) 19.2.2008 kl. 17:04]

Þetta er auðvitað alger skandall að þeir sem eiga að vinna geri það ekki vegna mistaka sem voru svo augljósar að sem ungur maður lærði maður þetta í kristinfræði fyrir 50 árum síðan. Þetta er ekki eins oog í fótboltanum sá ekki atvikið og ekki línvörðurinn heldur. Þetta setur keppnina niður sem hefur þó verið í hávegum höfð hjá mér og mínu fólki.