Alcoa vs. Alcan

Það verður spennandi að fylgjast með framrás þessa máls. Alcan hefur verið mun betur rekið síðustu árin og er óðum að nálgast Alcan í umsvifum þrátt fyrir að hafa þurft að selja frá sér hluta fullvinnslu sinar í Evrópu (Novelis). Ef þessi samruni gengi í gegn held ég að samkeppnisyfirvöld myndu víða fara á stjá því sameinað fyrirtæki myndi vera allsráðandi á álmarkaðnum og þá sérstaklega á markaði fyrir fullunnið ál. Á því sviði væri Norsk Hydro nánast eini keppinauturinn á meðan Rio Tinto/BHP Billiton og Rusal væru einungis stórir leikmenn á umbræðslumarkaðnum.

Talið að yfirtökutilboð Alcoa í Alcan muni mæta andstöðu

Athugasemdir

[Magnason (IP-tala skráð) 7.5.2007 kl. 15:44]

Sæll

Aðeins að velta fyrir mér. Er æskilegt að Alcoa eigi álver í Straumsvík, Húsavík og Reyðarfirði? Mun Alcoa telja stækkun í straumsvík óhjákvæmilega? En ekki jafn mikla stækkun á Húsavík? En Century? Rennur það saman við hvern? Erum við ekkert að taka of mikla áhættu? Lánshæfi Ríkissjóðs hefur þegar verið lækkað vegna stóriðjuframkvæmda. kv. asm

[Guðmundur Ragnar Björnsson, 7.5.2007 kl. 19:43]

Century er nánast hjáleiga hjá Billiton og mun alltaf standa og sitja eftir því sem þeir segja og verða eflaust gleyptir af einhverjum hinna innan skamms. Hvað varðar samruna þá er ég mikill efasemdarmaður um hann. Þegar Alcan keypti Pechiney þurftu þeir að kljúfa stóra sneið úr fyrirtækinu þeas. fullvölsunardeildina (nú Novelis). Ef Alcoa kaupir Alcan held ég að Bandarísk og Evrópsk samkeppnisyfirvöld grípi í taumana þar sem fyrirtækið myndi stýra nánast allri álframleiðslu í N-Ameríku og um eða yfir 50% af framleiðslu í V-Evrópu. Hvernig fyrirtækið yrði brotið upp er síðan annað mál. Það er alveg ljóst að samningsstaða Íslendinga er verri ef aðeins verður einn aðili sem á öll álver á Íslandi þar sem að sá aðili gæti krafist lágmarks orkuverðs í krafti stærðar sinnar.

Hvað Straumsvík varðar þá held ég að yfirtaka Alcoa hafi ekki mikil áhrif á áform um stækkun þar. Einingin er vel rekin miðað við stærð og því mikilvægt að styrkja hana fremur en að byggja nýtt annarsstaðar. Annars fannst mér Keilisnesvinkillinn skemmtilegur á það mál því þá gæti Reykjanesbær sleppt því að byggja umbræðsluálver í Helguvík, sem ég er eindregið á móti, og stutt frekar uppbygginguna á Keilisnesi og síðan yrði lokað í Straumsvík eftir 5-10 ár. Held að sú lausn væri góð að mörgu leyti.

Kv.