Efnahagsstefna ríkisstjórnarinnar

Eitthvað virðist ríkisstjórnin hafa verið að gera rétt á undanförnum árum. Eftir allt vælið um óstjórn og klúður kemur það klárlega í ljós að heimilin í landinu hafa það mun betra en fyrir áratug. Hitt er síðan annað mál að það er mikið verk óunnið því ráðstöfunartekjurnar hafa ekki aukist svona mikið hjá öllum í þjóðfélaginu og það þarf að setja kraft í að styrkja landsbyggðina og auka ráðstöfunartekjur þeirra sem minnst hafa með hækkun persónuafsláttar. 

Ætli VG fari núna að prenta barmmerkin:

AF HVERJU EKKI ZERO HAGVÖXT 

eða

HAGVÖXTUR KEMUR FRÁ HELVÍTI

Kaupmáttur jókst um 56% á áratug

Athugasemdir

[Gestur Guðjónsson, 16.4.2007 kl. 10:39]

Kælum ekki hagkerfið - frystum það

[Ágúst Dalkvist, 16.4.2007 kl. 11:43]

..... og svo er verðbólgan á niðurleið líka. Hvaða vopn hefur stjórnarandstaðan nú?

[TómasHa, 16.4.2007 kl. 12:11]

Snilld!

[Svava Halldóra Friðgeirsdóttir, 16.4.2007 kl. 12:13]

Er alveg sammála þér Gummi um að það þurfi að styrkja landsbyggðina ennfrekar og hækka persónuafsláttinn.

[Ragnar Bjarnason, 16.4.2007 kl. 22:39]

Þessi athugasemd á ekkert heima hér en læt hana samt flakka. Sá helv. góðan leik í kvöld þó úrslitin væru mér ekki að skapi. Fyrri leikurinn í FA youth cup final-Liverpool Man. Utd. því miður 1-2.

Seinni leikur á fimmtudag þar sem mínir menn hafa fjall að klífa.

[Guðmundur Ragnar Björnsson, 17.4.2007 kl. 07:02]

Hafþór: Þeir sem skjóta fast verða að vera tilbúnir að fá föst skot til baka. Annars eru menn eins og hrekkjusvínin í skólanum sem hlaupa heim þegar krakkarnir sameinast gegn þeim. (Þekki reyndar barmmerkjaframleiðandann vel og hann tekur vel við skotum til baka). 

Raggi. Man Utd eru bestir og ekki fleiri orð um það

Steingrímur: Það er enginn vafi á því að þessi kaupmáttaraukning hefur orðið lang mest á höfuðborgarsvæðinu og einnig að hún hefur verið ójöfn á meðal þjóðfélagshópa. Nú er búið að styrkja grunnviðina og hægt að fara út í það að láta alla njóta aukningarinnar sem orðið hefur. Hvað varðar verðbólguna þá vil ég benda þér á það sem Gestur Guðjónsson hér að ofan hefur skrifað á sinni síðu varðandi það að telja húsnæðisliðinn með í neysluvísitölu. Ísland er víst eina landið í Evrópu sem gerir það og það leiðir til þess að við erum á þenslutímum með margfalda verðbólgu sem enginn græðir á nema bankarnir. Mig minnir að ég hafi séð hjá Gesti að verðbólgan sé 3,2% í dag skv. Evrópustaðli. Verðbólgan hefur verið að lækka á þessu ári en þó er of snemmt að segja hversu mikið því virðisaukalækkunin telur jú líka inn í en Seðlabankinn og aðrir bankar spá nú lækkandi verðbólgu á árinu. Við getum jú ekkert nema að beðið og séð til því í dag á ríkisstjórnin mun erfiðara um vik með að beita sér sérstaklega til að lækka verðbólgu eins og Steingrímur gerði á sínum tíma með góðum árangri.