Sýningar eða fundir?

Þegar maður horfði á kvöldfréttirnar á fimmtudag og föstudag þurfti maður að minna sig á að þessir fundir, ef fundi skyldi kalla, eru haldnir á Íslandi en ekki í Bandaríkjunum. Það eina sem vantaði til að fullkomna myndina var að sleppt væri þúsundum blaðra í bandarísku fánalitunum. Það er greinlega mikið í það lagt hjá flokkunum að gera leiksýninguna sem glæsilegasta og það er eflaust á kostnað málefnanna.

Vart mun mikið fara fyrir málefnavinnu á fundi Samfylkingarinnar þar sem kosningastefna flokksins hefur þegar verið prentuð og gefin út. Hjá Sjálfstæðismönnum verður væntanlega lögð lokahönd á kosningastefnuskrána og hún síðan klöppuð í gegn en tæplega verður um neinar grundvallarbreytingar að ræða en viðleitnin er þó til staðar.

Það er áhyggjuefni að menn séu farnir að apa eftir Repúblikönum og Demókrötum í framsetningu sinna málefna og frambjóðenda því lýðskrum á þeim mælikvarða sem þar tíðkast á halelújasamkomum á ekki heima í íslensku samfélagi.

Athugasemdir

[Ester Sveinbjarnardóttir, 14.4.2007 kl. 11:26]

Ég var einmitt að velta því fyrir mér að tímasetning fyrir fundina væri ansi nálægt kosningum og hvort ekki væri verið að spila á auglýsingagildi þeirra.

[Jenný Anna Baldursdóttir, 14.4.2007 kl. 11:42]

Hef einhversstaðar tjáð mig eimitt um þessa landsfundi kortéri fyrir kosningar.  Eins og gríðarlega stór auglýsingaherferð.  Getið þið hvort einhver ágreiningur verður reistur á þessum tímapunkti? Allt verður samþykkt með rússneskri kosningu.

[Ragnar Bjarnason, 14.4.2007 kl. 13:15]

Sammála,voða einfalt.