Nostradamus Íslands

Fyrst Davíð er svona spáspakur, ætli hann hafi þá vitað fyrirfram að ekki voru gjöreyðingarvopn í fórum Saddams? 

Það minnsta hefði nú verið að láta Bush vita

Davíð Oddsson: stýrivextir væntanlega lækkaðir á fjórða ársfjórðungi

Athugasemdir

[Andri Magnason (IP-tala skráð) 29.3.2007 kl. 16:12]

Sæll. Athyglisverður listi um stærðir um daginn. Telur þú að álver á Húsavík og Helguvík séu þá þegar í ósamkeppnishæfri stærð miðað við þessar forsendur?

Eitt annað. Datacenter myndi þurfa sæstreng. Hundruð starfa hafa tapast á íslandi vegna skorts á tengingu við netið.

[Guðmundur Ragnar Björnsson, 29.3.2007 kl. 19:10]

Sæll Andri

250.000 tonna álver á Húsavík væri alveg á mörkunum við það að vera samkeppnishæft þegar til lengri tíma er litið. Þett veltur auðvitað á rafmagnsverðinu og kertækninni en að því er mér sýnist eru menn almennt ekki spenntir fyrir álverum undir 400.000 tonnum og leita frekar eftir samstarfi til að ná fram enn meiri stærðarhagkvæmni. Bæði Hydro og Alcan eru að leita sér að samstarfsaðilum við Persaflóann og er reiknað með að þau álver verði bæði nálægt 700.000 tonnum.

Ég myndi reikna fastlega með því að það fyrirtæki sem myndi reisa við Húsavík myndi vilja eiga möguleika á að stækka eftir að reksturinn er kominn á skrið. Hinsvegar eru auðvitað fleiri breytur inni í þessu eins og nálægð við Evrópumarkaðinn, traustur vinnumarkaður afhendingaröryggi rafmagns og pólitískur stöðugleiki.

Sæstrengur er óheyrilega dýr og ég er ekki sérstaklega hrifinn af því að selja rafmagnið okkar til tölvurisa. Mér þykir ólíklegt að það fylgi því mörg störf og það ættu að vera aðrir möguleikar sem skila bæði verðinu fyrir raforkuna og einnig atvinnutækifærum. 

[andri magnason (IP-tala skráð) 29.3.2007 kl. 21:45]

Sæll hefurðu athugað hvaðan orkan ætti að koma til stækkunar á Húsavík? Hefurðu prófað að bera saman orkukosti og hvað mikla orku þyrfti til að koma 5 álverum upp í samkeppnishæfa stærð í framtíðinni. Þá gerum við ekki ráð fyrir djúpborunum eða kjarnasamruna. Þetta var mjög gagnleg samantekt hjá þér um álver heimsins.  

[Guðmundur Ragnar Björnsson, 30.3.2007 kl. 06:49]

Sæll aftur

Nú þekki ég ekki jarðhitasvæðið á Þeistareykjum mjög vel og hef því engar forsendur til að dæma um hvað það getur gefið af sér. Ég sé það hinsvegar alveg í hendi að við höfum ekki raforkugetu með góðu móti næstu árin til að setja upp 5 stykki 400.000 tonna álver. Mitt mat er það að það eigi að stækka í Straumsvík enda raforkuframleiðslan til þess á svæði þar sem eru miðlanir og annað fyrir en auðvitað ekki án umhverfisáhrifa. Eftir þá stækkun myndi ég telja að það mætti skoða gaumgæfilega álver á Húsavík. Ef það álver gæti með góðu móti fengið orku frá Þeistareykjum sem myndi duga í framleiðslu á 300-350.000 tonna álveri myndi ég telja að það sé ekki óskynsamlegur kostur því sú stærð ætti að vera nægilega hagkvæm í amk 30 ár eða svo. Fyrir utan þessar framkvæmdir er það mitt persónulega mat að ekki eigi að byggja fleiri álver alveg á næstunni sérstaklega áður en að við fáum niðurstöður út úr einmitt djúpborunum.

Ef við miðum við að Alcan noti nýjustu tækni við stækkunina og segjum síðan að nýtt álver á Húsavík verði 350.000 tonn þá ætti það að þurfa 4800 Gwh. Það passar vel við Kárahnjúkavirkjun sem á að framleiða 4600 Gwh fyrir 344.000 tonna Álverið á Reyðarfirði. Samkvæmt þessu þarf 5500 Gwh til að reka 400.000 tonna álver og til að reka 5 þarf 27000 Gwh.

Ég á annars samantektina í Excelskjali með athugasemdum. Þarf að laga hana aðeins til áður en ég set hana hér inn.   

[andri magnason (IP-tala skráð) 30.3.2007 kl. 08:59]

Sæll! Kíktu á grein orkumálastjóra. Orka handa álverum á vefsíðu Orkustofnunar. Í gögnum Alcoa dugar háhitinn ekki einn fyrir 250.000 tonna álver heldur þarf Hrafnabjargarvirkjun einnig í Skjálfanda. Til að koma henni upp í 340.000 tonn þá þarf jökulfljót Skagafjarðar að auki. Þá er ekki orka eftir fyrir norðan nema í Jökulsá á Fjöllum. Menn stunda nú nokkuð ágenga nýtingu jarðhita, taka meira úr svæði en það gefur. Alcoa mun hafa mikið vald í Norðausturkjördæmi með tvær verksmiðjur sem gætu báðar þurft að stækka, Alcoa er þekkt fyrir að spila Hard Ball. Meðalorkufrekur iðnaður er að flosna upp víða um heim, datacenter er hluti af því og þess vegna teldi ég vænlegra að menn biðu eftir 10-40MW fyrirtækjum heldur en að fullráðstafa orkunni til Alcoa. Ekki síst er það fráleitt eftir að hafa gert við fyrirtækið hörmulegan samning um austurlandsvirkjanir. Gróðinn er talinn um 4 milljarðar á 40 árum. Ef Kárahnjúkavirkjun væri einkavædd myndi enginn fjárfestir borga meira en 60-80 milljarða fyrir stífluna. Enginn fjárfestir myndi sætt sig við 4 milljarða hagnað af 120 milljarða framkvæmd á 40 árum. Alcoa sparar um það bil 10 milljarða á ári með þessum samningi miðað við orkuverð í Evrópu, jafnvel meira.

[Guðmundur Ragnar Björnsson, 30.3.2007 kl. 10:38]

Eitthvað er grein orkumálastjóra ónákvæm í sumu tilliti. Hann reiknar með orkuþörf fyrir Straumsvík td. 400 Gwh hærri en raun er og það vantar Norðanlands Hvalárvirkjun sem er 300 Gwh á ári (gæti reyndar verið út af arðsemismati en mér hefur alltaf skilist að hún sé inni í myndinni). Það er alveg rétt hjá þér að Alcoa menn eru harðir í viðskiptum og það er spurning hvort að fórnarkostnaðurinn við að lokka þá hingað hafi verið of hár. Ég verð að viðurkenna að ég þekki lítið inná staðreyndir varðandi Reyðarál og Kárahnjúka auk þess sem margar staðreyndir eru á huldu eins og raforkuverð ofl. Ef Álverið sem áætlað er við Húsavík verður af 250.000 tonna stærðinni er hætt við að raforkuverðið verði pressað eitthvað niður og að tilhneiging verði til að láta undan því vegna byggðarsjónarmiða. Ég er alveg sammála því með orkufrekann iðnað af millistærðinni að hann sé ákjósanlegri einfaldlega vegna þess að hver eining er minni og auðveldara að setja niður víða um land. Hvað varðar gagnabanka þá er ég enn skeptískur á hvort að það sé rétta lausnin vegna þess að á þessu stigi vantar betri upplýsingar um hvað þær nota í rafmagn og hversu mörg störf fylgja og þá hverskonar.  Hvað Húsvíkinga og þeirra nágranna varðar veit ég ekki hversu mikla þolinmæði þeir hafa fyrir því að bíða eftir rétta tækifærinu.