Hver er nú að ljúga??? Enn af stækkun í Straumsvík

Davíð Þór skrifar grein í bakþanka Fréttablaðsins í dag og þetta er svar við þeirri grein. 

 

Það er ekki af mönnum skafið að fyrirsagnastíllinn er allsráðandi í þessu máli. Blákaldar lygar kallar hann það sem aðrir hafa fram að færa, eru hans skoðanir eitthvað skárri? Tölvuteikningar af álverinu eru það sem þær eru tölvuteikningar. Raflínur eru ekki á teikningunni þar sem það er jú Landsvirkjun eða aðrir orkusalar sem sjá um það fyrir utan það að hugsanlega verða þessar línur lagðar í jörð.

Skorsteinar jafnháir Hallgrímskirkju segir Davíð. Hann hefur væntanlega engar aðrar forsendur en þær sem eru á myndinni þar sem nýju háfarnir á þurrhreinsistöðvunum verða svipaðir þeim sem eru nú til staðar og eru um 30 metra frá jörðu. Síðast þegar ég gáði er Hallgrímskirkja 64 metrar að hæð.

Álverið sem sýndar eru myndir af í Noregi er ekkert lambasparð. Sunndals álverið er 360.000 tonna álver með íbúðabyggð í innan við 100 metra fjarlægð. Þetta álver er útbúið með vothreinsun þannig að brennisteinssamböndunum er skolað á haf út og álverið hefur marg lýst því yfir að verði þörf á því þá sé það kostur að setja upp vothreinsun.

9 af 22 álverum Alcans eru stærri en Straumsvík er í dag. 2 af 22 verður lokað innan skamms en þau eru bæði um 50.000 tonn. Hinsvegar býr Straumsvík við aðrar aðstæður en þau álver sem eru af svipaðri stærðargráðu. Straumsvík er ekki hagkvæmasta álver Alcans og býr þar að auki við þann ókost að gegnumrennslistími vara frá pöntun til afhendingar hjá viðskiptavini er tvöfalt til þrefalt lengri en hjá öðrum álverum sem veikir samkeppnisstöðu Straumsvíkur umtalsvert og því væri Straumsvík sú verksmiðja sem yrði lokað einna fyrst. Ef hægt er að framleiða ál hagkvæmar í Quatar en hægt er í óstækkuðu álveri í Straumsvík þá þarf ekkert að reikna það reikningsdæmi til enda. Ef hægt er að græða 8 miljarða á ári í Quatar þá er ekki verið að henda peningum í Straumsvík.

Fólk hefur að sjálfsögðu rétt til að hafa skoðanir á málinu en þegar menn þurfa í á opinberum vettvangi að tala um lygar án þess að hafa nokkuð fyrir sér í þeim efnum. Þú mátt alveg vera á móti álveri Davíð, reyndu bara að vera málefnalegur í andstöðu þinni og slepptu því að saka heiðvirt fólk um lygar.
 
http://www.alcan.com/web/publishing.nsf/Content/Alcan+Facts+2006/$file/Alcan_Facts_2006_E.pdf

Athugasemdir

[Sigurður J. (IP-tala skráð) 18.3.2007 kl. 16:21]

 

Hvar tekur mark á Davíð?   Er hann ekki fyrst og fremst brandarakall?   Alla vega ber hann ekki mikla virðingu fyrir sannleikanum og slíkir menn hafa yfirleitt slæman málstað sín megin, ekki satt?

[Guðmundur Ragnar Björnsson, 18.3.2007 kl. 17:32]

Nei því miður þá slá menn of mikið um sig með stórum yfirlýsingum og kalla andstæðinga sína lygara og þeirra rök þvætting. Umræða á slíkum nótum leiðir sjaldnast til skynsamlegrar niðurstöðu.

[Ingi A. (IP-tala skráð) 18.3.2007 kl. 21:16]

Sælir

Davið ber ekki neina virðingu fyrir sumu fólki það kemur glöggt fram í pistli hans, því síður verkafólki ,bara menntasnobbi kaffihúsaliðis 101 Rvík. 

kveðja

Ingi A.

[snorri (IP-tala skráð) 19.3.2007 kl. 02:47]

"Raflínur eru ekki á teikningunni þar sem það er jú Landsvirkjun eða aðrir orkusalar sem sjá um það fyrir utan það að hugsanlega verða þessar línur lagðar í jörð."

Er þetta ekki bara rugl? Hvað á að gera ef þessar raflínur bila og gera þarf við? Mengun og ekki mengun, þetta álver yrði fyrst og fremst SJÓNMENGUN! Út á land með þetta, nei betra ÚR landi með þetta. Hugsa sér að fyrsta sem maður sér áður en komið er inn á höfuðborgarsvæðið verði risaálver. Svo erum við alltaf að reyna að selja útlendingum Ísland sem náttúruparadís. 

[Rúnar (IP-tala skráð) 19.3.2007 kl. 17:25]

Snorri, láttu þá bara þessa útlendinga keyra aðra leið í bæinn fyrst þetta pirrar þig svona. Þegar ég keyri eða lestast frá flugvöllum annara landa þarf alltaf að lýta á nokkrar verksmiðjur. 

Og Sveinn, ef álverið skal vikja þá vænti ég þess að þú verður fyrstur manna til kaupa þar lóð fyrst þú berð þér draum í brjósti að íbúðabyggð muni þá rísa gegnt iðnaðrhverfinu hinum megin við Reykjanesbrautina? Held að það muni ekki gerast hjá þér né einum öðrum sem ber þessi rök fyrir sér.