Er knattspyrnan deyjandi listform?

Sem áhangandi Manchester United horfði maður að sjálfsögðu á úrslitaleikinn og að þessu sinni með harðann púllara við hliðina á sér. Ekki var nú margt minnisstætt eftir fyrri hálfleikinn enda litlir sóknartilburðir hjá Chelsea og erfiðleikar hjá United að koma sér í góð færi. Úr þessu var síðan bætt í upphafi seinni hálfleiks þegar United gerði harða hríð að marki Chelsea en án árangurs. Á áttugustu mínútu sagði félagi minn síðan við mig: ,,Ef ég væri heima hjá mér væri ég búinn að skipta um rás".

Eftir að Chelsea hafði síðan unnið leikinn fór ég að velta þessum orðum fyrir mér. Hvað sagði Valdano um daginn. Að það væri skemmtilegra að horfa á skít á priki en að horfa á Chelsea og Liverpool spila knattspyrnu. Er vélrænn ofurskipulagður fótbolti að eyðileggja þá list sem vel spiluð knattspyrna er?

Leikskipulag Chelsea byggir á eftirfarandi

1. Ekki fá á sig mark 

2. 10 menn fyrir aftan knöttinn, alltaf

3. Þéttur miðjupakki skipaður vinnuhestum sem eiga að berja andstæðingana til hlýðni í miskunnarlausum návígjum.

4. Aldrei meira en 5 menn fram yfir miðju í einu.

5. Hægja á tempói leiksins niður í gönguhraða 

6. Ef færi gefst má reyna að skora en það er ekki nauðsynlegt

7. Ef það tekst að skora skal tefja með öllum ráðum íþróttamannslegum eður ei

 

Dæmi um það síðastnefnda var augljóst í lok leiksins í dag og er Chelsea ekki til mikils framdráttar. Flest lið tefja eitthvað undir lok leikja en að fá á sig 4 gul spjöld við það er ekki venjulegt.

Sem betur fer á ég ekki við það vandamál að stríða að mitt uppáhaldslið beiti ofantöldum aðferðum. Margir segja að áhangendur Liverpool og Chelsea haldist ánægðir í augnablikinu á meðan vel gengur en muni síðan snúa við þeim bakinu ef verr fer að ganga. Vonandi er að það verði fyrr en seinna og fengnir verði nýir þjálfarar sem spila skemmtilegan fótbolta og eflaust árangursríkan. Þá fer aftur að verða gaman að horfa á fótbolta á Englandi á ný. 

 

Chelsea enskur bikarmeistari eftir 1:0 sigur á Manchester United

Athugasemdir

[Tjarls o kokk (IP-tala skráð) 20.5.2007 kl. 00:59]

Snöggt ..... snöggt ..........Hversu svekktir geta menn verið.

Betra lið vann

[Guðmundur Bjarnason (IP-tala skráð) 20.5.2007 kl. 09:21]

100% sammála. Reyndar fara þeir aldrei með fleiri en 3 menn fram í sókn, hugsanlega 4 en þá er það óvart. Já þetta er hörmulegt að horfa á svona knattspyrnu, þetta er auðvitað ekki knattspyrna sem Móri lætur lið sitt spila. Eina hlutverk Makalele, Mikael, Essien er að vinna boltan af andstæðingum ekki spila bolta.

Og hvað er þetta með Drogba, getur hann ekki brosað, hann er alltaf með fílusvip alveg sama hvernig er. Alltaf vælandi í dómaranum og allir vilja fá að snerta hann og taka af honum boltan þegar hann er með hann. Aumingja Drogba þetta virðist vera svo erfitt allir vondir við hann.

Og að sjálfsögðu var þetta marka hjá Giggs, boltin hálfum metri fyrir innan línuna.

Þetta er skandall að Chealsea skildi vinna, ég bara vorkenni bikarnum að þurfa vera þarna í heilt ár.

[Ásgeir (IP-tala skráð) 20.5.2007 kl. 10:38]

Shit hvað ManU fans geta verið tapsárir...... Við Liverpool menn lyftum stæðsta bikarnum sem völ er á í evrópu á miðvikudag, þá sjáum við hversu áhrifaríka knattspyrnu þeir spila

Þið verðið bara að sætta ykkur við að þið eruð aðeins besta liðið á Englandi

[Héraðströllið, 29.5.2007 kl. 18:58]

Er sammála að Chelsea spilar án efa leiðinlegasta fótbolta í ensku úrvalsdeildinni, ég leyfi mér að fullyrða að eini munurinn á Chelsea og Sheffield United er sá að Chelsea hefur dýrari leikmenn, en bæði lið leggja upp með að spila frekar leiðinlegan fótbolta, Sheffield með kick and run, oft kick í mótherjan, og chelsea með kick og hnoðast svo með boltann upp miðjuna. 

Því miður voru 2 leiðinlegustu leikir tímabilsins bikarúrslitaleikurinn hjá Manutd og Chelsea og svo Chelsea v. Manutd á Stamford Bridge nokkru áður.

Eigendur liða vilja hins vegar árangur, og titlar og peningar eru því miður eitthvað sem metið er fram yfir fallega knattspyrnu, þó svo að sum lið reyni að leika skemmtilegan fótbolta.